भुटानी शरणार्थी प्रकरणय् ज्वनातःम्ह पूर्वगृहमन्त्री बालकृष्ण खाँणयात नेपाली कांग्रेसपाखे निलम्बन यायेत मागयासे नेविसंघया कार्यकर्तापिन्स थौं येँ छगु प्रदर्शन याःगु दु।

येँया त्रिचन्द्र क्याम्पसय् नेविसंघया छगु पुचलं ‘सभापतिज्यु खाँणयात छाय् निलम्बन मयानगु ?’ धका च्वयातःगु प्लेकार्ड ज्वना प्रदर्शन याःगु खः।

नाता व नेता मस्वसे भ्रष्टाचारीयात कठघराय् थनेत मागयासे उमिसं नेविसंघया ध्वाँय् ज्वना प्रतिकात्मक रुपं भ्वँया हत्कडी व कैदीबन्दीपिन्स पुनिइगु वसःफिना प्रदर्शन याःगु खः।

नेपाःपिन्त नक्कली शरणार्थी दयका अमेरिका छ्वंगु गिरोहनाप ध्यवाया लेनदेन याःगु द्धपनय् प्रहरीं कांग्रेस केन्द्रीय सदस्य खाँणयात वंगु बैसाख २७ गते ज्वंगु खः।

Categorized in राष्ट्रिय