येँ महानगरपालिका १३ वडाया समाजसेवी दिलबहादुर मानन्धरया जहान मदुम्ह गणेशदेवी मानन्धरया निदँया पुण्य तिथि लाकाः थ्व हे वइगु जेष्ठ ६ गते शनिवाः, येँया मरूहिति व्यांक्वेटय्, न्हापांगु साहित्यिक नाप सङ्गितिक सम्मान ज्याझ्वः यायेत्यंगु दु ।

मदुम्ह गणेशदेवी मानन्धरया लुन्तिइ वय्कःया परिवारपाखें गणेश देवी मानन्धर स्मृती प्रतिष्ठान गठन याःगु खः । वहे प्रतिष्ठानया ग्वसालय् थुकथं हनेगु ज्या जुइत्यंगु खः ।

उगु ज्याझ्वलय् गायन, संगीत व पत्रकारीता बिधा याना मुक्कं स्वम्हेसित हनेत्यःगु खः । हना ज्याझ्वलय् जनगायक भृगुराम श्रेष्ठ, वरिष्ठ सिने पत्रकार विजयरत्न असंबरे व उदीयमान कलाकर सिद्धार्थ बज्राचार्ययात हनिगु जूगु दु।

Categorized in राष्ट्रिय