थौं बुगंद्यःया रथ मिसापिन्स सालाः यलया इतित्वालय् थ्यकूगु दु। बुगंद्यःया रथं नइक्या क्वफागुया कन्ह्य कुन्हु मिसापिन्स जक सालिइगु परम्परा (याक मिसाया भुज्या) कथं थौं सुथय् मिसापिन्स जक रथ सालाः इतित्वालय् थ्यकूगु खः।

बुगंद्यःया कुलद्यःया पूजा थ्व हे वइगु २८ गते याइगु जुगु दु। कुलद्यःया पूजा प्यन्हु तक याइ। कुलद्यःया पूजा जुइगु दिं थ्व हे वैशाख २८ गते रथ सालाः ज्यावलाख्यलय् यकेत साइत न स्वइ।

रथ ज्यावलाख्यलय् थ्यगूया प्यन्हुलिपा भोटो क्यनिइगु याइ।

Categorized in राष्ट्रिय