थौं विश्व प्रेस स्वतन्त्रता दिवस हलियकं हनिइगु जुगु दु। अथेहे नेपालय् न थीथी ज्याझ्वः याना हनिइगु जुगु दु।

“भविष्यया अधिकार सुनिश्चितता : मानव अधिकारया संवाहक अभिव्यक्ति स्वतन्त्रता” धइगु नारा ज्वना थौं विश्व प्रेस स्वतन्त्रता दिवस हनेत्यःगु दु।

युनेस्कोया ग्वसालय् अफ्रिकी राष्ट्र नामिबियाया विन्डहक शहरय् जूगु पत्रकार सम्मेलनय् ‘बहुलवादी व स्वतन्त्र प्रेसया लागि विण्डहक घोषणापत्र’ जारी याःगु खः।

उकियात हे लुमन्तिइ सन् १९९३ निसे संयुक्त राष्ट्रसङ्घं थुगु दिवस हनिइगु निर्णय याःगु खः। राष्ट्रसङ्घया थुगु निर्णयनाप थौं उगु दिंया प्रेस व अभिव्यक्ति स्वतन्त्रताया पक्षधरपिन्स महत्वपूर्ण दिं कथं कयावया च्व.गु खः ।

Categorized in राष्ट्रिय