येँ महानगरपालिका १८ वडाय् मदुम्ह पुलांम्ह वडाअध्यक्ष चन्द्रानन्द नेवाःया झ्वाताः पलिस्था याःगु दु ।

वयकः २०१९ सालनिसें २०५९ सालतक येँ महानगरपालिका १८ वडाय् वडाअध्यक्ष जुयादीम्ह खः।

चन्द्रनन्द नेवाःया पूर्णकदया झ्वाता वय्कःया दकिला पुण्य तिथिइ येँ महानगर १८ वडाया ज्याकुथिइ उपप्रमुख सुनिता डंगोलं उलेज्या यानादिगु खः।

येँ महानगर १८ वडाध्यक्ष न्हुछेकाजी महर्जनया सभाध्यक्षताय् जूगु उगु ज्याझ्वलय् मूपाहां येँ महानगरया उपमेयर सुनिता डंगोल, येँ महानगरया पुलांम्ह प्रमुख विद्यासुन्दर शाक्य, २७ वडाया पुलांम्ह अध्यक्ष चिनियामान वज्राचार्य, १८ वडाया पुलांम्ह वडा सदस्य हरिकृष्ण डंगोलपिन्सं वय्कःया लिसेया थःपिनिगु अनुभवया बारे नुगःखँ प्वंकुसे श्रद्धाञ्जली देछानादीगु खः ।

उगु ज्याझ्वलय् मूर्तिकार श्याम तुलाधरयात उपप्रमुख डंगोलं सम्मानपत्र बियाः सम्मान नं यायेगु ज्या जूगु खः ।

Categorized in राष्ट्रिय