एसीसी प्रिमियर कपया उपाधि नेपालयात
राम डंगोल | तछलाथ्व द्धादशी ११४३, बैसाख १९ मंगलवाः
![](https://www.lahananews.com/sites/default/files/nepal_19.jpg)
एसीसी प्रिमियर कपया फाइनलय् यूएईयात बूका नेपालं उपाधि त्याकगु दु।
उपाधि त्याकूसे नेपालं थुगु दँये जुइगु एसिया कपय् थ्यःगु दु। थौं जुगु कासाय् यूएई न बिःगु १ सय १८ रनया सामान्य लक्ष्य नेपालं ३० ओभर ३ बलय् पूरा यागु खः। नेपालं यूएईयात न्ह्यगु विकेटं त्याकूगु खः। थौं जुगु कासाय् नेपालया गुलसन झा न अविजित दकलय् अप्पो ६७ रन दयकूगु खः। ७५ बलय् अर्धशतक पूरा याःगु खः। अथेहे भीम सार्कीं ३६ रन दयकूगु खः।
रोहन मुस्ताफां निगु विकेट व आयान खानं छगू विकेट काःगु खः । किपूया मैदानय् टस बूया न्हापां ब्याटिङ याःगु यूएई न ३३ ओभर १ बलय् १ सय १७ रन दयका अल आउट जूगु खः। म्हिगः वाः वःगुलि २७ ओभर ३ बलय् ९ विकेटय् १ सय ६ रन दयकूगु खः। वाः वया दिःगुलि थौं ११ रन दयका यूएई १ सय १७ रनय् अल आउट जूगु खः।
यूएईया आसिफ खानं दकलय् अप्पो ४६ रन दयकूगु खःसा यूएईया कप्तान मोहम्मद वासिम ११ रनय् क्याच आउट जूगु खः। नेपाःया ललितनारायण राजवंशीं प्यंगू विकेट, सन्दीप लामिछाने व करण केसीपिन्स निगु निगु विकेट, सोमपाल कामी व गुलशन झा न छगू छगू विकेट काःगु खः। एसिया कप थ्व वइगु सेप्टेम्बरय् पाकिस्तानय् जुइ त्यःगु खः।
Categorized in कासा