आदिवासी जनजाति आयोगया नायः रामबहादुर थापा मगरं आदिवासी मामिलासम्बन्धी संयुक्त राष्ट्रया स्थायी मञ्चया २२क्वःगु अधिवेशनयात सम्बोधन यानादीगु दु।

संयुक्त राष्ट्र सङ्घया मुख्यालय न्यूयोर्कय् जूगु अधिवेशनय् नेपालया प्रतिनिधित्व यासें आयोगया नायः मगरं सम्बोधन यानादीगु खः । सम्बोधनया झ्वलय् नायः मगरं माक्व स्रोतसाधनया अभावय् आदिवासी जनजातिया अधिकारयात व्यवहारय् क्वकाय्त हाथ्या फय्माःगु बिचाः तयादिल।

वय्कलं नेपाल अन्तर्राष्ट्रिय श्रम सङ्गठनया पक्ष राष्ट्र खःगु धासें महासम्धी नम्बर १६९ अनुरूप संयुक्त राष्ट्रसंघपाखें घोषित आदिवासीया अधिकारया प्रवद्र्धन व रक्षा याय्त प्रतिबद्ध दुगु धयादिल । नायः मगरं नेपालया आदिवासी थारु समुदाय दुने खनेदुगु ‘सिकल सेल एनिमिया’ ल्वय्या समस्या तकं संयुक्त राष्ट्रसंघया मञ्चय् ल्ह्वनादीगु दु।

थ्व हे अधिवेशनयात संघीय मामिला तथा सामान्य प्रशासनमन्त्री अमन लाल मोदीं नं सम्बोधन यानादीगु खः।

Categorized in राष्ट्रिय