आईपीएल क्रिकेटय् कोलकाता २१ रनं विजयी
राम डंगोल | तछलाथ्व सप्तमी ११४३, बैसाख १४ बिहीवाः
![](https://www.lahananews.com/sites/default/files/kolakata.jpg)
इन्डियन प्रिमियर लिग आईपीएल क्रिकेटय् कोलकाता नाइट राइडर्सं रोयल च्यालेञ्जर्स बेङ्लोरयात बूकुगु दु।
वंगु चान्ह्यः जूगु कासाय् बेङ्लोरया हे घरेलु मैदानय् कोलकाता २१ रनं विजयी जूगु खः। कोलकातां बिःगु २ सय १ रनया लक्ष्य बेङ्लोरं ८ विकेटय् १ सय ७९ रन जक दयकेफुगु खः ।
कप्तान विराट कोहलीं दकलय् अप्पो ५४ व महिपाल लोमरोरं ३४ रन दयकूगु खः। अथेहे, बलिङपाखे कोलकाताया वरुण चक्रवर्तीं स्वंगु व आन्द्रे रसेल, सुयश शर्मापिन्स निगु निगु विकेट काःगु खः। न्हापां ब्याटिङ याःगु कोलकाताया लागि ज्यासन रोयं ५६ व नितिश राणां ३८ रन दयकूगु खः। बलिङय् बेङ्लोरया विनिन्दु दी हसरंगा व विजयकुमार वयशकपिन्स निगु निगु विकेट काःगु खः।
थुगु कासा लिपा बेङ्लोर च्यागु कासय् ८ अङ्क नाप न्यागु थासय् दु सा ६ अङ्कय् कोलकाता च्यागु थासय् दु।
Categorized in कासा