टोखा नगरपालिका वडा नं ८ मिलन त्वालय् न्यागु पसलय् मिँ न्वया १ करोड रुपैयाँ बराबरया क्षति जूगु दु।

श्याम श्रेष्ठं निर्माण याःगु उगु मिलन बजारय् धर्मराज डंगोलं सञ्चालन याःगु ला पसलय् ग्यास लिक जूया म्हिगः न्यागु पसः च्यागु खः । जिल्ला प्रहरी परिसर येँया प्रवक्ता, प्रहरी उपरीक्षक सीताराम रिजालं बिगु जानकारी कथं न्यागु पसलय् मिँ न्वया छगु करोड बराबरया क्षति जूगु धका धाःगु दु।

उगु थासय् कमला तामाङं सञ्चाल यानातःगु लाकां पसलय् १६ लाख, मुना थापाया पसलय् ३५ लाख, प्रदीप लम्सालया पसलय् निगु लाख, विकास श्रेष्ठया सिलाइ पसलय् २ लाख, मधु न्यौपानेया मोबाइल पसलय् २० लाख व धर्मराज डङ्गोलया ला पसलय् २५ लाख रुपैयाँ बराबरया क्षति जूगु धका प्रहरीं धाःगु दु।

Categorized in राष्ट्रिय