लिपागु २४ घण्टाय् कोरोना सक्रमणं छम्हेसिगु ज्यान वंगु दु। सोमबाः वीर अस्पतालय् उपचार यानाच्वंम्ह ७० दँ दुम्ह मिसा कोरोना संक्रमणं मदुगु खः।

अस्पतालं बिःगु जानकारी कथं उम्ह मनूयाके चिनिल्वय् व स्वंय् समस्या दुम्ह धका धाःगु खः। स्वास्थ्य तथा जनसंख्या मन्त्रालयया कथं लिपागु २४ घण्टाय् १०६ म्ह कोभिड संक्रमण पुष्टि जूगु दु।

मन्त्रालयया कथं मंगलबाः ४७६ म्हेसिगु पीसीआर व १ हजार ९६० म्हेसिगु एन्टिजेन याना २ हजार ४३६ म्हेसिगु स्वास्थ्य परीक्षण याःगुलि १०६ म्हेसित कोराना संक्रमण पुष्टि जूगु खः।

पीसीआरपाखे ७४ व एन्टिजेन परीक्षणय् ३२ म्हेसित संक्रमण खनेदुगु खः। थ्व नाप आः सक्रिय संक्रमित जूपि ४६९ म्ह थ्यःगु दु।

Categorized in राष्ट्रिय