शेयर बजाः २८ दशमलव ३१ अङ्कं कुहावल
रसिया श्रेष्ठ | चौलागा तृतीया ११४३, चैत्र २६ आईतवाः
![](https://www.lahananews.com/sites/default/files/sher-b_6.jpg)
शेयर बजाः थौं कुहावःगु दु। शेयर बजाः परिसूचक नेप्से थौं आइतवाः २८ दशमलव ३१ अङ्कं कुहावया १ हजार ८ सय ३८ दशमलव ४८ विन्दुइ कुहावःगु दु।
थौं दक्को समूहया शेयर माइक्रोफाइनान्स, जलविद्युत् व बीमा समूहया शेयर तसकं कुहावःगु दु। बजाः घटे जूसा कारोबार रकमय् धाःसा छु भचा सुधार वःगु दु।
२६८ गु कम्पनीया ३८ लाख ४३ हजार कित्ता शेयर १ अर्ब १५ करोड ९४ लाख रुपैयाँ न कारोबार जूगु दु। दकलय् अप्पो शिवम् सिमेन्ट व नबिल बैंकया ५ करोड ७८ लाख रुपैयाँया शेयर किनबेच जूगु दु।
दकलय् अप्पो मायाखोला जलविद्युत् कम्पनीया शेयर ६ प्रतिशतं व सामुदायिक लघुवित्त, सिँगटी हाइड्रो, मिथिला लघुवित्त व इस्टर्न हाइड्रो कम्पनीया शेयर साढे ५ प्रतिशतं कुहावःगु दु।
समग्र बजाः घटे जूसा कालिञ्चोक दर्शन लिमिटेड कम्पनीया शेयर १० प्रतिशतं थहावःगु दु।
Categorized in राष्ट्रिय