नेवाः पत्रकार राष्ट्रिय दबू न थौं शिक्षा, विज्ञान नाप प्रविधि मन्त्री अशोककुमार राईयात भिंतुना बिइगु नाप ध्यानाकर्षण पौं लःल्हाःगु दु।

पत्रकार दबूया केन्द्रिय नायः नृपेन्द्रलाल श्रेष्ठं मन्त्रीराईयात नाप लाना भिंतुना व दबूया शिक्षा व मातृभाषा पत्रकारिता बिषया ध्यानाकर्षन याःगु खः।

उगु ध्यानाकर्षण याकेगु झ्वलय् पत्रकारपिनिगु हकहित, क्षमता अभिबृद्धि, मातृभाषा पत्रकारिता विकास, न्हापाम्ह मातृभाषा पत्रकार धर्मादित्य धर्माचार्य, नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया योगदान यागु स्मरण याकूगु खः।

धर्मादित्य धर्माचार्यया नाप मातृभाषा पत्रकारिता विकासया योगदानया ब्यक्तित्व बारे अध्ययन नाप अभिलेखीकरण यायेमाः धका ध्यानाकर्षण याकेगु नाप वरिष्ठ पत्रकार, आःयापि क्रियाशील व न्हुपि प्रत्रकारपिन्त सिरपा व हना ज्याझ्वः सरकारपाखे यायेमाः धका धयातःगु खः।

मातृभाषा पत्रकारिता क्षेत्रयात सशक्त दयका क्षमता अभिबृद्धि याना प्रशिक्षण बिइमाःगु, मातृभाषा पत्रकारिता विकासया लागि माःगु नीति, नियम व ब्यवस्थाबारे सरकारयात ध्यानाकर्षण दबूपाखे याकूगु खः।

Categorized in राष्ट्रिय