शितला माध्यमिक विद्यालयं ग्वसालय् शैक्षिक सुधार अभियान धारणा विकास ज्याझवः जुगु दु।

प्रशिक्षक विश्व देवकोटां शैक्षिक शत्र २०७९ क्वचाःगु व २०८० वयाच्वंगु झ्वलय् शिक्षकपिनिगु ईयात बालाक्क व्यवस्थापन याना थुगु तालिम अझ प्रभावकारी नाप जिम्वेवार दयकेगु उद्येश्यं थुगु कार्यशालां शिक्षकपिन्त अझ उत्प्रेरित याइ धका धयादीगु खः। प्रशिक्षकं थःगु अनुभव नाप देय्या थीथी थासय् शैक्षिक भ्रमणया अनुभव, थम्हेसिया याना तइगु अध्ययन अनुसन्धानया ज्ञान व सीपयात बालाक्क शिक्षकपिन्त तालिमय् न्ह्यब्बःगु खः।

शिक्षण सिकाइ प्रक्रियायात बालमैत्री वातावरणय् याउक, अपूक, ई कथं प्रविधि मैत्री दयकेमाः धका धयादीगु खः। विद्यार्थीपिन्त सयकेगु कक्षा कोठाया व्यवस्थापनं महत्त्वपूर्ण भूमिका म्हितीइगु व उगु कक्षा कोठा बालाक्क सिगार यायेमाःगु, च्वनेगु व्यवस्थापन , शैक्षिक सामग्री अप्पो छ्यलेमाःगु, शिक्षकपिनिगु व्यवहार कुशल सीपं यक्को प्रभाव याइगु तालिमय् कंगु खः।

उगु तालिमय् राधा बोगटी, अनिल खनाल, विजया न्यौपानेपिन्स न थःथःपिनिगु अनुभव कनादीगु खः।

Categorized in राष्ट्रिय