पूर्णबहादुर खड्का मन्त्री परिषदय् निगु वरीयताय्
लहनान्युज | चौलाथ्व दशमी ११४३, चैत्र १७ शुक्रवाः
प्रधानमन्त्री पुष्पकमल दाहाल प्रचण्डं थौं मन्त्रिपरिषद् विस्तार याःगु दु। वंगु पुस १० गते नियुक्त जुयादीम्ह प्रधानमन्त्री प्रचण्डं नेपाली कांग्रेस, नेकपा एकीकृत समाजवादी, जनता समाजवादी पार्टी (जसपा) लगायतया दलयात दुथ्याका मन्त्रिपरिषद् विस्तार याःगु दु ।
न्हुपि मन्त्रीपिन्स थौं हे शपथ ग्रहण याःगु दु। अय् न मन्त्रिपरिषद् विस्तारय् सरकारं पूर्णता बिइफुगु मदुनि। प्रधानमन्त्री प्रचण्डनाप कानुन न्याय व संसदीय मामिला, परराष्ट्र, वन नाप वातावरण, स्वास्थ्य नाप जनसङ्ख्या व युवा नाप खेलकुद मन्त्रालयय् दनिइ। विस्तारित मन्त्रिपरिषदय् नेपाली कांग्रेसया उपसभापति पूर्णबहादुर खड्का वरीयताय् निगु थासय् उपप्रधान नाप रक्षा मन्त्री जुयादीगु दु।
अथेहे नेकपा माओवादी केन्द्रया वरिष्ठ उपाध्यक्ष स्वगूगु वरीयताय् उपप्रधान नाप गृह मन्त्री जुयादीगु दु। अथेहे नेकपा एकीकृत समाजवादीया महासचिव डा. बेदुराम भुसाल प्यगू वरीयताय् कृषि नाप पशुपक्षी मन्त्री जुयादी। जनता समाजवादी पाटीया सङ्घीय परिषद् अध्यक्ष न्यागु वरीयताय् शिक्षा विज्ञान नाप प्रविधि मन्त्री जुयादी।
