माध्यमिक शिक्षा परीक्षा (एसईई) थौंनिसे सुरु जूगु दु। थौं सुथय् ८ बजेनिसे ११ बजे तक जुइगु खः। न्हापागु दिं थौं अनिवार्य अंग्रेजी विषयया परीक्षा जुइगु खः। खुगु अनिवार्य विषयया न्ह्यसःपौं प्रदेश कथं बिस्क बिस्कं तयार याःगु दु।

उत्तरपुस्तिकाया व्यवस्थापन प्रदेश निर्देशनालयं याःगु दु । परीक्षायात मर्यादित दयकेत परीक्षा केन्द्र नाप वया जःखः न सुरक्षा व्यवस्था कडा याःगु दु। चैत २९ गतेतक न्ह्याइगु थुगु एसईई परीक्षाय् करिब ५ लाख परीक्षार्थीपि सहभागी जूगु दु।

एसईई परीक्षाया लागि ७७ जिल्लाय् २ हजार ३६ परीक्षा केन्द्र निर्धारण याःगु दु। बागमती प्रदेशय् १ लाख ६ हजार ९५९ परीक्षार्थीया लागि ४३४ परीक्षा केन्द्र तोके याःगु दु।

दकलय् कम परीक्षार्थी व परीक्षा केन्द्र कर्णाली प्रदेशय् दु ।कर्णालीइ ४१ हजार ३२९ परीक्षार्थी व १७९ परीक्षा केन्द्र दु।

Categorized in राष्ट्रिय