प्रधानमन्त्री पुष्पकमल दाहाल प्रचण्ड व सभामुख देवराज घिमिरे दथुइ संसदया ज्या प्रभावकारी यायेगु विषय छलफल जूगु दु।

प्रधानमन्त्री निवास बालुवाटारय् थौं सुथय् नापलानां निम्ह दथुइ सङ्घीय संसदया ज्या प्रभावकारी दयकेगु विषय सहलह जुगु खः। नापलायेगु झ्वलय् सदनया ज्या अझ प्रभावकारी दयकेगु व छु महत्त्वपूर्ण विधेयक तत्काल न्ह्यने यकेगु विषय सहलह जुगु धका प्रधानमन्त्रीया सचिवालयं धाःगु दु।

सङ्क्रमणकालीन न्यायनाप सम्बन्धित विधेयक न्ह्यने यकेगु व सङ्घीयता कार्यान्वयनय् ल्यःदनिइगु नाप मेमेगु विधेयक, ऐन कानुनया संशोधन लगायतया विषय न सहलह जुगु धका धाःगु दु। सभामुखया तजबिजी अधिकार कटौती यायेगु सत्ता गठबन्धनया तयारी विषय न सभामुख घिमिरें प्रधानमन्त्री प्रचण्डनाप खँ जुगु खः।

Categorized in राष्ट्रिय