शेयर बजार कारोवार जुइगु वाःया न्हापागु दिं थौं शेयर बजार परिसूचक नेप्से २६ दशमलव ८५ अङ्कं कुहावया १ हजार ८ सय ८८ दशमलव ३० विन्दुइ कुहावःगु दु।

थौं दक्को समूहया शेयर कुहावंसा लघुवित्त व उत्पादन समूहया शेयर तसकं कुहावःगु दु। बजाः घटे जूसा २ सय ५९ गु कम्पनीया ३७ लाख ५४ हजार कित्ता शेयर १ अर्ब २८ करोड ९३ लाख रुपैयाँया कारोबार जूगु दु।

दकलय् अप्पो हिमालयन डिस्टिलरीया ८ करोड ६१ करोड रुपैयाँया शेयर किनबेच जूगु खः। जालपा सामुदायिक लघुवित्त, जीवन विकास लघुवित्त, महिला लघुवित्त व युनिक नेपाल लघुवित्तया शेयर १० प्रतिशतं कुहावःगु दु।

अप्पो धइथे लघुवित्त कम्पनीया शेयर तसकं कुहावःगु खः। समग्र बजार कुहावसां मायाखोला जलविद्युत् व एसियन हाइड्रोया शेयर १० प्रतिशतं थहावंगु दु।

Categorized in राष्ट्रिय