सक्वय् गिरिजा प्रसादया बुदि हनं
लहनान्युज | चिल्लागा त्रयोदशी ११३८ (मार्च १५ २०१८)
![](https://www.lahananews.com/sites/default/files/a1_2.jpg)
मदुम्ह महाकवि गिरिजा प्रसादया ८० क्वःगु बुदिं सक्व भौध्वाखाय् तःजिक साहित्यिक सांस्कृतिक ज्याझ्वः यासे हंगु दु ।
यचु जोशीया नायःसुइ महाकवि गिरिजा प्रसाद लुमन्ति प्रतिष्ठनया ग्वसालय् जुगु खः । नविन नापितं न्ह्याकादीगु उगु ज्याझ्वलय् रामेश्वर श्रेष्ठं लसकुस न्वचू तयादीगु खः ।
मेयर सुवर्ण श्रेष्ठ, डा.पुष्प राज राजकर्णिकार, राधा कृष्ण श्रेष्ठ, विश्व दास श्रेष्ठ, राज दास श्रेष्ठ, सूर्ज नारायण श्रेष्ठ, नरेश वीर शाक्य, अनिल कुमार झाः, किरण साय्मि लगायतयापिसं थःथःगु नुगः खँ तयादीगु खः ।
![](http://www.lahananews.com/sites/default/files/pictures/2_12.jpg)
न्ववायेगु झ्वलय् डा. कर्णिकारं नेपालभाषं खँ ल्हानां सुयागुं नं व्यक्तित्व क्वहेनी मखुगु खँ कनादिसे गणेश मान सिंह सर्वमान्य नेता जूगु, सत्य मोहन जोशी शताब्दी पुरुष जूगु, बिनोद चौधरी नेपाःया धनाध्ये सफल उद्योगपति जूगु नेपालभाषा ल्हायेगु त्वःताः मखु धयादिल ।
व्यक्तित्व थःगु हे मिहेनतं जक जुइ धयादिल । ज्याझ्वलय् उपमेयर शुक्र लक्ष्मी श्रेष्ठ, कुञ्ज जोशी, भगत दास श्रेष्ठ, विष्णु प्रसाद श्रेष्ठ, रमेशमान जोशी, लक्ष्मी श्रेष्ठ, भरत साय्मि, सुदन खुसः, गणेश माया श्रेष्ठ, बाल चन्द्र श्रेष्ठ, रुषण बसीपिं पाहाँ कथं झायादीगु खः ।
![](http://www.lahananews.com/sites/default/files/pictures/3_9.jpg)
उगु ज्याझ्लय् नरेन्द्र मान, न्हुछेँ नारायण श्रेष्ठ, चन्देश्वर श्रेष्ठ, प्रदिप दास श्रेष्ठ, श्रीभक्त जोशी, पुष्प श्रेष्ठ, ललित नारायण श्रेष्ठ, कृष्ण साय्मिपिसं चिनाखँ ब्वनाःन्यंकादीगु खः ।
अथेहे चन्द्र बहादुर श्रेष्ठ, लक्ष्मी नारायण शाही, महन्तलाल मल्ल, रञ्जन श्रेष्ठया पुचः लगायतयापिसं म्ये हालाः न्यंकादीगु खः ।
बुखँ नेवाः सुचना केन्द्र
किपा राजेन्द्र रंजित
Categorized in राष्ट्रिय