राष्ट्रिय प्रजातन्त्र पार्टी (राप्रपा) न कन्ह्यः शुक्रबाः जुइगु उपराष्ट्रपति निर्वाचनय् तटस्थ च्वनेगु निर्णय याःगु दु।

वंगु बिहीबाः जूगु राष्ट्रपति निर्वाचनय् न तटस्थ च्वंगु राप्रपां शुक्रबाः जुइगु निर्वाचनय् सूयात न मत मबिइगु निर्णय याःगु दु।

निर्वाचनय् प्यम्हेसिगु उम्मेदवार दुगु खः। नेपाली कांग्रेस, नेकपा माओवादी केन्द्र व एकीकृत समाजवादीं जनता समाजवादीया उम्मेदवार रामसहायप्रसाद यादवयात ग्वाहालि याये धका धाये धुकुगु दु।

एमाले न उपाध्यक्ष अष्टलक्ष्मी शाक्ययात उम्मेदवार दयकूगु खः। जनमत पार्टीया उम्मेदवार ममता झायात लोसपा व नागरिक उन्मुक्तिं ग्वाहालि याइगु जुगु दु। जसपाया प्रमिलाकुमारी यादव न उम्मेदवार जुगु दु।

Categorized in राष्ट्रिय