वर्तमान राष्ट्रपति विद्यादेवी भण्डारीया कार्यकाल थौं क्वचाःगु दु।

न्हुम्ह राष्ट्रपतिइ नेपाली कांग्रेसया उम्मेदवार रामचन्द्र पौडेल फागुन २५ गते निर्वाचित जुइ धुकुगु दु।

अथे हे भण्डारीं शीतलनिवास त्वतेमाःगु दु। वयकलं शीतलनिवास त्वःता बूढानीलकण्ठ–२ चपलीइ थःगु निजी निवासय् च्वःवइिगु धका वयकःया सचिवालयं धाःगु दु। वयकः थौं २९ गते निजी निवासय् च्वःवनेगु तयारीइ दु।

भण्डारी २०७२ कात्तिक ११ गते राष्ट्रपति पदय् न्हापागु पटक निर्वाचित जूगु खः। वयालिपा निक्वःगु कार्यकालया लागि २०७४ साल फागुन २९ गते वयकः हाकन निर्वाचित जुयादीगु खः।

न्हुम्ह राष्ट्रपतिइ निर्वाचित जुयादीम्ह रामचन्द्र पौडेलया शपथ ग्रहण समारोह सोमबाः (फागुन २९) गते जुइत्यःगु दु। प्रधानन्यायाधीश पद खाली जुयाच्वंगुलि थौं कायममुकायम प्रधानन्यायाधीश हरिकृष्ण कार्की न पौडेलयात शपथ नकिइगु जुगु दु।

Categorized in राष्ट्रिय