उपराष्ट्रपतिइ जनता समाजवादी पार्टीया नेता रामसहाय यादव न उम्मेदवारी दर्ता याःगु दु।

शनिबाः सुथय् संघीय संसद भवन राष्ट्रपति नाप उपराष्ट्रपति निर्वाचन कार्यालयय् वना वयकलं उम्मेदवारी दर्ता यानादीगु खः।

वयकः नाप जसपा नेतापि अशोक राई, मनिष सुमन, प्रदीप यादव, सुशीला श्रेष्ठ संघीय संसद भवन न्हुगु बानेश्वरय् वःगु खः।

रामसहायया प्रस्तावकय् जसपा नेता अशोककुमार राई, प्रदीप यादव, एकीकृत समाजवादीया किसान श्रेष्ठ, माओवादी केन्द्रया शक्तिबहादुर बस्नेत व कांग्रेसया रमेशजंग रायमाझीपि च्वनादीगु खः।

अथे हे समर्थकय् रेखा यादव, अम्बिका काफ्ले, प्रकाश ज्वाला, खिमलाल देवकोटा, भानुभक्त जोशीपि च्वनादीगु खः।

Categorized in राष्ट्रिय