फुटबलर मनिष डाँगीयात नेपाल खेलकुद पत्रकार मञ्च (एनएसजेएफ) पल्सर स्पोर्ट्स अवार्ड मिजंपाखे दँया उत्कृष्ट युवा कासामि जुगु दु।

प्रज्ञा भवन कमलादीइ थौं जूगु ज्याझ्वलय् नेपाली राष्ट्रिय फुटबल टोलीया सदस्य डाँगी दँया कासामि घोषित याःगू दु। मनिष विश्व कप छनोटय् इराकनाप कासाय् उत्कृष्ट गोल याःगु खः।

अथे हे साफ च्याम्पियनशिपया उलेज्या कासाय् आयोजक माल्दिभ्सयात न गोल याःगु खः। मनिषं मच्छिन्द्र फुटबल क्लबयात शहीद स्मारक ’ए’ डिभिजन लिगया उपाधि बिकूगु खः।

मनिषं फुटबलया प्रिती राई, बक्सिङया छिरिङ वाङ्दी शेर्पा, भलिबलया उषा भण्डारी व ब्याडमिन्टनया रशिला महर्जनयात लिउने लाकूसे अवार्ड त्याकूगु खः।

Categorized in कासा