निर्वाचन आयोगय् चितवन–२ या लागि १८ दल दर्ता
लहनान्युज | चिल्लाथ्व नवमी ११४३, फागुन १७ बुधवाः
![](https://www.lahananews.com/sites/default/files/niwachan-aayog_14.jpg)
चितवन–२ य् उपचुनावया लागि निर्वाचन आयोगय् १८ दल दर्ता जूगु दु। निर्वाचन आयोगं दल दर्ताका लागि फागुन १० गतनिसे १६ गतेतकया लागिु ई बिःगु खः।
आयोगया प्रवक्ता शालिग्राम शर्मा पौडेलया कथं आयोगं इनाप याःगु कथं दर्ता जूगु दलं जक उपचुनावये ब्बति काये दइ। वैशाख १० गते चितवन क्षेत्र नम्बर २ य् उपचुनाव जुइत्यःगु खः।
नागरिकता प्रकरणया अदालतया आदेशलिपा राष्ट्रिय स्वतन्त्र पार्टीया सभापति नाप रवि लामिछानेया प्रतिनिधि सभा सदस्य पद खारेज जूगुलि चितवन–२ य् उपचुनाव जुइत्यःगु खः। उपचुनावय् नेपाल मजदुर किसान पार्टी, मङ्गोल नेसनल अर्गनाइजेसन, राष्ट्रिय नागरिक पार्टी, नेपाली कांग्रेस, राष्ट्रिय जनमुक्ति पार्टी, राष्ट्रिय जनमोर्चा, नेकपा (एमाले) न ब्बति कायेगु निति दल दर्ता जुगु दु।
अथेहे राष्ट्रिय स्वतन्त्र पार्टी, नेकपा (माओवादी समाजवादी), नेकपा (माओवादी केन्द्र), नागरिक उन्मुक्ति पार्टी, हाम्रो नेपाली पार्टी, पुनर्जागरण पार्टी, मौलिक जरो किलो पार्टी दर्ता जुगु दु।
राष्ट्रिय मुक्ति आन्दोलन नेपाल, नेपाली कांग्रेस (बीपी), राष्ट्रिय प्रजातन्त्र पार्टी व जय जन्मभूमि पार्टी नेपाल न दल दर्ता याःगु दु।
Categorized in राष्ट्रिय