रेडियो नेपालय् न नेपाल संवतया तिथि प्रसारणयात
चिल्लाथ्व नवमी ११४३, फागुन १६ मंगलवाः
![](https://www.lahananews.com/sites/default/files/radi.jpg)
रेडियो नेपालं म्हिगः अष्टमीया सुथय् निसे नेपाल संवतया तिथि न प्रसारण यायेगु याःगु दु ।
नेपाल संवत न्हूदँ राष्ट्रिय समारोह समिति ११४३ न रेडियो नेपालय् न प्रसारणय् नेपाल संवतया तिथिमिति प्रसारण यायेमाःगु धका इनाप याःगु खः।
हूदँ समारोह समितिया नायः प्रा.डा.नरेशमान बज्राचार्यं रेडियो नेपालया प्रमुखयात नापलानाः रेडियो नेपालय् दँ जक धायेगु यानाच्वंगुलिं ला (महिना) व तिथि नं धायेमाःगु धासें ज्ञापन पौ लःल्हाःगु खः।
समारोह समितिया नायः प्रा.डा.बज्राचार्यं म्हिगः निसे रेडियो नेपालं नेपाल संवतया दँनिसें ला (महिना) व तिथि (दिं) तकं न्वःवानाः प्रसारण याःगुलि लहनान्युजनाप खँ ल्हानादीसे रेडियो नेपालया टिमया सुभाय् देछानादीगु दु।
Categorized in राष्ट्रिय