यातायात मजदुर आन्दोलनया नामय् प्रहरी बिट नाप गाडी तोडफोड व मिँच्याकूगु द्धपनय् २३ म्हेसित प्रहरी ज्वःगु दु।

जिल्ला प्रहरी परिसर, टेकुया कथं छम्ह मिसा व २२ म्ह मिजंपिन्त ज्वःगु खः। २१ दँया गणेशकुमार श्रेष्ठ, २२ दँया विक्रम नेपाली, २१ दँया आकाश भुजेल, २८ दँया सुमन श्रेष्ठ, २४ दँया सुमन लामा, २९ दँया विजय मगर, ३० दँया रन्जितकुमार तामाङ, २६ दँया संगीता खड्की, १९ दँया प्रकाश क्षेत्री व २२ दँया इलाराज गुरुङ खः।

अथे हे ३३ दँया माधव शाही, २७ दँया राजन रावत, २८ दँया हरिशरण तामाङ, १९ दँया सुजन मगर, २२ दँया रोमन नगरकोटी, १८ दँया सुपनल कालिकोटे, १८ दँया सुदिप तामाङ, १८ दँया विकाश गुरुङ, २७ दँया संविधान परियार, १९ दँया केशव राई व १९ दँया कविन खड्कीयात प्रहरी ज्वःगु खः।

उमित अपराधिक उपद्रव याये मज्युगु कसुर सम्बन्धी मुद्दा दर्ता यासे स्वन्हुया निति कुनेगु अनुमति कयागु दु धका जिल्ला प्रहरी परिसर, टेकु न धाःगु दु।

Categorized in अपराध