ताम्रकार समाजय् मंकाः इहि मुना ज्याझ्वः
लहनान्युज | सिल्लागा दशमी ११४३, फागुन ३ बुधवाः
![](https://www.lahananews.com/sites/default/files/tam_1.jpg)
ताम्रकार समाजया ग्वसालय् जूगु मंकाः इहि मुना ज्याझ्वः क्वचाःगु दु । समाजया झिंन्याक्वःखुसी मंकाः इहि मुना ज्याझ्वः जूगु खः ।
समाजया थःगु हे भवन जावलाख्यलय् च्वंगु तमकः द्यः (उग्रचण्डी माई)याथाय् जूगु इहि मुनाय् २१ म्ह मिसा मस्तय् सहभागिता दुगु खः ।
दँय्दसं थुकथं मंकाः इहि मुना ज्याझ्वः याना वयाच्वनागु व कोरोना संक्रमणया कारणं वंगु निदँ थुखे ज्याझ्वः याये मखनाच्वंगु उपसमितिया संयोजक नापं समाजया सह कोषाध्यक्ष मनोज ताम्रकारं कनादिल।
समाजया अध्यक्ष विनोद ताम्रकारं नेवाः समाजय् अनिवार्य कथं कयातःगु थुकथंया संस्कार मंकाःकथं यायेबलय् ई व ध्यबा नितां बचत जुइगु धका धयादीगु खः।
Categorized in राष्ट्रिय