चिकित्सक सङ्घ व सरकार दथुइ वार्ता
लहनान्युज | सिल्लागा सप्तमी ११४३, माघ २९ आईतवाः
![](https://www.lahananews.com/sites/default/files/nepal%3Dmedical.jpg)
देयन्यक अस्पतालय् अत्यावश्यक सेवा बन्द याना आन्दोलन यानाच्वंगु नेपाल चिकित्सक सङ्घ व सरकार दथुइ वार्ता सुरु जूगु दु।
प्रधानमन्त्री कार्यालय सिंहदरबारय् सरकारया प्रतिनिधि व चिकित्सक सङ्घया प्रतिनिधि दथुइ वार्ता जूयाच्वंगु दु धका प्रधानमन्त्रीया सचिवालयं धाःगु दु।
चिकित्सक सङ्घं स्वास्थ्यकःमिपिनिगु सुरक्षाया ग्यारेन्टीया माग याःगु दु। वंगु शुक्रवाः राष्ट्रपति विद्यादेवी भण्डारीं सवारीय झ्वलय् सुरक्षाया निति खटे जूपि प्रहरीं लाठी चार्ज याना राष्ट्रिय ट्रमा सेन्टरया वरिष्ठ अर्थोपेडिक सर्जन डा.जनिथलाल सिंहलगायत स्वास्थ्यकःमि घाःपाः जुगु खः।
थुगु हे घटनाया विरोध यायेगु निति चिकित्सक सङ्घं विरोध याना थौं आन्दोलन याःगु खः।
Categorized in राष्ट्रिय