रास्वपाया स्वम्ह मन्त्रीपाखे राजिनामा
लहनान्युज | सिल्लागा पारु ११४३, माघ २३ सोमवाः
![](https://www.lahananews.com/sites/default/files/rasopa-m.jpg)
राष्ट्रिय स्वतन्त्र पार्टीया स्वम्ह मन्त्रीपिन्स राजीनामा बिःगु दु। म्हिगः बहनि प्रधानमन्त्री निवास बालुवाटारय् वना रास्वपापाखे श्रम, रोजगार नाप सामाजिक सुरक्षामन्त्री डोलप्रसाद अर्याल, शिक्षा, विज्ञान नाप प्रविधिमन्त्री शिशिर खनाल व स्वास्थ्य नाप जनसंख्या राज्यमन्त्री तोसिमा कार्की न प्रधानमन्त्री पुष्पकमल दाहाल प्रचण्डयात राजीनामा लःल्हागु दु धका प्रधानमन्त्रीया सचिवालयं जानकारी बिःगु दु।
प्रधानमन्त्री पुष्पकमल दाहाल प्रचण्डं रास्वपायात गृह मन्त्रालय मबिइगु व भौतिक पूर्वाधार नाप यातायात मन्त्रालय प्रस्ताव याःगु खः।
रास्वपां उगु प्रस्ताव स्वीकार मयासे सरकारं पिहावनेगु निर्णय याःगु खः । पार्टीया निर्णयबमोजिम मन्त्रीपिन्स राजीनामा बिःगु खः।
Categorized in राष्ट्रिय