शर्ट फिल्म कासा जुइगु
नृपेन्द्रलाल श्रेष्ठ | चिल्लागा षष्ठी ११३८ (मार्च ७ २०१८)
![](https://www.lahananews.com/sites/default/files/d7.jpg)
नेपालभाषा बिकास यायेगु तातुना ‘नेपालभाषा चीहाकःगु संकिपा (शर्ट फिल्म)’ कासा यायेत्यंगु दु ।थौं छगु ज्याझ्वः यासें थुगु खँया जानकारी बीयादीगु खः ।
थुगु संकिपा कासा महाकवि सिद्धिदास महाजुया १५० दँ बुन्हि व भाषानिभाः प्रेमबहादर कसाःया १०० दँ बुन्हिया लसता जुइगु धका थौं छगु मुँज्या यासें जानकारी सकिपा कासाया दुजः सुरेशकिरण मानन्धरं जानकारी बियादीगु खः ।
उगु सकिपा कासाय् ‘भाषा म्वाःसा जाति म्वाइ’, ‘झीगु भाषा मन्त धाःसा’ व ‘झीगु भाय् झीगु म्हसीका’ मध्ये न्ह्याग्गुसां छगू मू ‘थीम’ ज्वनाः दयेकेमाः धयादीगु खः
उगु संकिपा कासाय् दुहाँ वःगु शर्ट फिल्म मध्यय् न्हाप लाःगु शर्ट फिल्मयात ७५ द्धः, ल्यू लाःगु संकिपायात ५० द्धः व लियांल्यू लाःगु निगु संकिपायात २५ द्धः तका दां सिरपाः बिइग धकाया जानकारी बियादीगु खः ।
उगु ग्वसाः पुचलय् अमेरिकाया दुर्गालाल साहित्य प्रतिष्ठानपाखें प्रविण ताम्राकार, नेवाः नुगःपाखें सुमन श्रेष्ठ, सुरेशकिरण मानन्धर व पबित्र कसाः दुजः कथं च्वनादीगु दु ।