मन्त्रिपरिषदया सदस्यपिन्स संघीयता विरोधी याये दइमखु –प्रधानमन्त्री प्रचण्ड
लहनान्युज | सिल्लाथ्व तृतीया ११४३, माघ १० मंगलवाः
![](https://www.lahananews.com/sites/default/files/prachanda_23.jpg)
प्रधानमन्त्री पुष्पकमल दाहाल प्रचण्डं मन्त्रिपरिषदया सदस्यपिन्स संघीयता विरोधी अभिव्यक्ति बिलकि स्पष्टीकरण न्यनिइगु धका धाःगु दु।
मंगलबाः राष्ट्रियसभाया बैठकय् न्ववायेगु झ्वलय् वयकलं धाःगु दु मन्त्रिपरिषदया सदस्यपिन्स संघीयता व गणतन्त्र विरोधी अभिव्यक्ति बिइ दइमखु धका धाःगु दु।
राष्ट्रियसभाय् मन्त्रीपिन्स हे संघीयताविरोधी अभिव्यक्ति बिउगु धका न्ह्यसः वयेवं उकिया लिसः बिइगु झ्वलय् नैतिक व कानुनी रुपं हे मन्त्रीपिन्स संघीयताविरोधी अभिव्यक्ति बिइ मज्यु धका धाःगु खः।
‘जिगु गम्भीर ध्यानाकर्षण जूगु दु। थ्व स्पष्टीकरणया विषय जुइ’ वयकलं धाःगु दु, ‘मन्त्रिमण्डल स्वया पिने पिहावना थःगु खँ तयेगु अधिकार सकसिगु राजनीतिक दल व माननीय सदस्यपिन्त दु तर मन्त्रिमण्डल दुने च्वना संघीयताविरुद्ध लोकतान्त्रिक गणतन्त्रया विरुद्ध न्ववायेगु व प्रचार यायेगु अधिकार नैतिक कथं व कानुनी कथं न याये दइमखु।’
Categorized in राजनीति