नेवाः न्ह्यलुवा, भाषासेवी नाप उद्यमि मदुम्ह लक्ष्मीदास मानन्धरया लुमन्ति ‘परिवर्तनका संवाहक लक्ष्मीदास’ नांया सफू पितब्बज्या छगु ज्याझ्वः दथुइ येँया ¥याडिसन होटलय् जुगु दु।

उगु ज्याझ्वःया मूपाहाँ नेकपा एकीकृत समाजवादी पार्टीया नायःलिसें सांसद माधवकुमार नेपालं उगु सफू ‘परिवर्तनया संवाहक लक्ष्मीदास’ पितब्वज्या यानादीगु खः ।

ज्याझ्वःया सभाध्यक्ष जनकवि दुर्गालाल श्रेष्ठ च्वनादीगु खःसा वय्कलं मदुम्ह लक्ष्मीदास मानन्धरया लुमन्तिइ चिनाखँ न्यंकादीगु खःसा जनकवि श्रेष्ठं हे ज्याझ्वः क्वचाःगु उद्घोष यानादीगु खःसा नेवाः न्ह्यलुवा मल्ल के सुन्दर, लुम्बिनी विश्व विद्यालयया पुलांम्ह उपकुलपति डा. त्रिरत्न मानन्धरं मदुम्ह लक्ष्मीदास मानन्धरयात कयाः नुगःखँ तयादीगु खः । सफूया च्वमिपिं शुभेच्छाविन्दु व लक्ष्मण अधिकारीपिन्सं नं सफूया विषय थःगु नुगःखँ तयादीगु खः।

ज्याझ्वलय् पुलांम्ह पर्यटनमन्त्री जीवनराम श्रेष्ठ, बागमती प्रदेशया सांसद बसन्त मानन्धर, येँ महानगरपालिका नाप प्रवक्ता १७ वडाध्यक्ष नविन मानन्धर, पुलांम्ह पर्यटन राज्यमन्त्री दिलीप महर्जन लिसेलिसें थीथी व्यक्तित्वपिनिगु न ब्बति दुगु खः।

Categorized in राष्ट्रिय