उपसभामुख निर्वाचनया कार्यतालिका सार्वजनिक
लहनान्युज | पोहेलागा त्रयोद्धशी ११४३, माघ ६ शुक्रवाः
![](https://www.lahananews.com/sites/default/files/sansad_27.jpg)
उपसभामुखया लागि निर्वाचन कार्यतालिका सार्वजनिक याःगु दु।
संघीय संसद सचिवालयं उपसभामुखया कार्यतालिका सार्वजनिक याःगु दु । कार्यतालिका कथं थौं माघ ६ गते शुक्रबाः न्हिनय् १ बजेनिसे ४ बजेतक उपसभामुख निर्वाचित यायेगु धका प्रस्ताव दर्ता निति कार्यतालिकाय् दु।
संघीय संसद भवन अन्तराष्ट्रिय सम्मेलन केन्द्र ल्होत्से हलय् दर्ता याकेत्यःगु खः। थौं शुक्रबाः ४ः१५ बजे उम्मेदवारया सूची प्रकाशन जुइगु धका प्रतिनिधि सभाया सचिव गोपालनाथ योगीं जानकारी बिःगु दु ।
वयकःया कथं माघ ७ गते शनिबाः न्हिनसिया १ बजे प्रतिनिधि सभाया बैठकं उपसभामुखया निर्वाचन याइगु जुगु दु।