नेपाल टेलिकमं पूर्वनिर्धारित तालिका कथं पुस १७ गतेनिसे सुरू जुइ धका धाःगुसा ‘फाइभ–जी सेवा’या ट्रायल स्थगित याःगु दु।

टेलिकमं न्ह्याकूगु प्रणाली कथं फाइभजी चले जुइगु मोबइलया ल्याः म्हो जुगुलि ट्रायल स्थगित याःगु खः । टेलिकमं फाइभ–जीको परीक्षणया लागि आन्तरिक रुपं तयारी अन्तिम चरणय् थ्यकूगु दु सा छु भचा प्राविधिक विषयया कारण फाइभ–जीया ट्रायक स्थगन जुगु दु धका प्रवक्ता शोभन अधिकारीं धाःगु दु। टेलिकमं १ जनवरीनिसे फाइभ–जी परीक्षण यायेगु धासे तयारी यानावःगु खः।

आः टेलिकमं थप तयारी यायेगु फाइभ–जीया परीक्षणकाल सुरु यायेगु तयारी याःगु खः। परीक्षणया लागि टेलिकमं उपकरण, प्रविधि जडाननाप जनशक्तियात तालिमनाप बिइ धुकुगु खः। सामान्य मोबाइल इन्टरनेट स्वया याकन फाइभजी इन्टरनेट औद्योगिक, सेवामूलक, नवप्रवर्तनात्मक व उच्च व्यवसायिक क्षेत्रय् छ्यलिइगु डाटा सुविधा दु ।

फाइभ–जीया परीक्षण याये न्ह्यः टेलिकमं थुकिया व्यवसायिक प्रयोगया सम्भावनाबारे न थप अध्ययन व छलफल याइ।

Categorized in राष्ट्रिय