सन्दीप क्यारेबियन लिग म्हितीगु
ने.सं. ११३८ चिल्लागा पारु (२ मार्च २०१८), शुक्रवाः
![](https://www.lahananews.com/sites/default/files/default_images/default-image.jpg)
नेपाःया ल्याय्म्हम्ह क्रिकेट कासामि सन्दीप लामिछानें क्यारेबियन प्रिमियर लिग म्हितीगु जूगु दु । वय्कःयात सीपिएलया सेन्ट किट्स एण्ड नभिस पेट्रियर्सं ५द्वः डलरया भाः तःगु दु ।
सन्दीप थुगु हे सिजनय् आइपिएल टिम दिल्ली डेभिल्सय् आबद्ध जुयादीगु खः । थौंकन्हय् विश्वकप छनौट म्हितेत जिम्बाबेय् च्वंच्वनादीम्ह सन्दीप आइपीएल म्हितेत भारत वनी ।
क्लबं सन्दीप क्यारेबियन लिगय् पूर्ण उपलब्ध जुइगु अपेक्षा याःगु दु । वेष्ट इण्डिजय् जुइगु थुगु लिगया टिम सेन्ट किट्स एण्ड नभिस पेट्रियर्सया कप्तान क्रिस गेल खः ।
सन्दीपं नं लिगय् आबद्ध जुइ दुगुलिं लसता प्वंकादीगु दु ।
Categorized in कासा