वाःया न्हापागु दिं थौं आइतबाः सेयर बजाः तसकं कुहावःगु दु। थौं आइतबाः सेयर बजाः ३१.९७ अंकं घटे जुया १८८५.३१ विन्दुइ कुहावःगु दु।

थ्व धइगु १.६७ प्रतिशतं कुहावःगु खः। थौं २५३ सूचीकृत धितोपत्रय् २४ हजार ६४४ गु कारोबारपाखे ३५ लाख १२ या ८३४ कित्ता सेयर किनबेच जूगु खः सा १ अर्ब १० करोड ३४ लाख ४ हजार ४५ रुपैयाँ बराबरया कारोबार जूगु खः।

बैंकिङ उपसूचक २.३० प्रतिशतं थौं घटे जूगु दु। सीवाईसी नेपाल लघुवित्त वित्तीय संस्थाया सेयर भाःसा सकारात्मक सर्किटय् वःगु दु। थुकिया भाः १६९.८० रुपैया न थहवना १८६८ रुपैयाँ थ्यःगु दु। थ्व बाहेक समिट लघुवित्त वित्तीय संस्था, मैलुङखोला जलविद्युत कम्पनीया भाः ९.९९ व ९.५० प्रतिशतं थहावःगु दु।

थौं दकलय् अप्पो नेडेप लघुवित्त वित्तीय संस्थाया सेयर भाः कुहावःगु दु । थुगु कम्पनीया भाः नकारात्मक सर्किटय् वःगु दु। पाँचथर पावर कम्पनीया ६.९७ प्रतिशतं भाः कुहावःगु दु सा नेपाल इन्भेष्टमेन्ट बैंकया लगानीकर्तापिन्स ५.७४ प्रतिशतं घाटा जूगु दु।

शिवम् सिमेन्ट, नविल बैंक, हिमालय डिष्ट्रिलरी लगायत कम्पनी दकलय् अप्पो कारोबार जूगु दु।

Categorized in राष्ट्रिय