मल्ल के. सुन्दरयात ‘पद्मरत्न मानवअधिकार सम्मान’
लहनान्युज | थिंलागा द्धितीया ११४३, मंसीर २४ शनिवाः
![](https://www.lahananews.com/sites/default/files/malla_1.jpg)
वरिष्ठ मानवअधिकारवादी नेता नाप नेवाः न्ह्यलुवा पद्मरत्न तुलाधरया लुमन्तिइ नीस्वनातःगु ‘पद्मरत्न मानवअधिकार सम्मान’ छगु ज्याझ्वः दथुइ उपराष्ट्रपति नन्दबहादुर पुनं मानवअधिकारवादी नेता नाप नेवाः न्ह्यलुवा मल्ल के. सुन्दरयात लःल्हाःगु दु ।
विश्व मानवअधिकार दिवसया लसताय् ग्वसाः ग्वःगु १४ क्वःगु राष्ट्रय मानवअधिकार महाभेला –२०७९ ज्याझ्वलय् न्यय्द्वः तका दांया उगु सिरपाः वय्कःयात लःल्हाःगु खः ।
मदुम्ह तुलाधरया लुमन्तिइ वय्कःया छेँजःपिंसं स्वनादीगु थुगु सिरपाः थ्व स्वयां न्ह्यः डा. मथुराकृष्ण श्रेष्ठ, दमननाथ ढुंगाना र डा. रेणु अधिकारीयात लःल्हायेधुंकूगु दु।
अथे हे महाभेलाय् सिरहाया मिसा मानवअधिकारवादी नेतृ देवकुमारी महरा व डा. गणेश गुरुङयात नं थीथी मानवअधिकार सिरपाः लःल्हाःगु खः ।
Categorized in राष्ट्रिय