प्रधानन्यायाधीश चोलेन्द्र शमशेर जबरां थः थौंनिसे नियमित ज्याय् लिहावनिइगु धका धागु दु।

संघीय संसदया महासचिवं निलम्बन फुकुवा याःगु पौं बिइवं जबरा सर्वोच्च अदालतय् लिहावनेगु तयारीइ दु।

सत्तारुढ गठबन्धनया सांसदपिन्स महाअभियोग प्रस्ताव दर्ता याये धुका जबरा १ फागुन २०७८ निसे निलम्बनमा याःगु खः। महाअभियोग प्रस्तावबारे निर्णय मयासे संसदया कार्यकाल क्वचाःगु खः।

न्हुगु चुनावपाखे न्हुगु संसद वयेवं जबरां थःम्हेसिया ज्या याये दयेमाः धका संसद सचिवालयय् मंगलबाः निवेदन बिःगु खः।

बुधबाः संसदया महासचिव डा. भरतराज गौतमं निलम्बन फुकुवा जुगु पौ बिःगु खः।

थुकिइ थःत न्यायया अनुभूति जूगु दु धका धासे जबरां थौंनिसे ज्याय् लिहावनेगु धका धाःगु दु।

Categorized in राष्ट्रिय