चितवनय् डेंगू सङ्क्रमित जूपि २ हजार स्वया अप्पो थ्यःगु दु।

जिल्ला स्वास्थ्य कार्यालय चितवनया कथं थुगु आर्थिक वर्षय् तक २ हजार १ सय ६४ म्हेसित डेगू सङ्क्रमण पुष्टि जुइ धुकुगु दु।

८ हजार ८ सय ५३ म्हेसित डेंगू परीक्षण याउगुलि २ हजार १ सय ६४ म्हेसिगु रिपोर्ट पोजेटिभ वःगु खः। जिल्ला स्वास्थ्य कार्यालयया सूचना अधिकारी राम केसीया कथं उपि मध्ये १ हजार ४ सय ५१ म्ह चितवनय् दु।

उकि मध्ये ८ सय २२ म्ह मिजंपि व ६ सय २९ म्ह मिसापि खः। ४ सय ५४ सङ्क्रमित मेमेगु जिल्लायापि खःसा २ सय ५९ म्ह थाय् खुले जूगु मदु धका कार्यालयं धाःगु दु। चितवनय् आःतक डेंगू सङ्क्रमणं स्वम्ह सी धुकुगु दु।

Categorized in राष्ट्रिय