हूदँ नारा सार्वजनिक
लहनान्युज | कौलागा एकादशी ११४२, कार्तिक ४ शुक्रवाः
![](https://www.lahananews.com/sites/default/files/Untitled-ne-1143.jpg)
नेपाल संवत् राष्ट्रिय न्हूदँ समारोह समिति ११४३ पाखें न्हूदँ सकलसिनं तःजिक हनेगु नितिं थुगु दँया नारा सार्वजनिक याःगु दु।
न्हूदँ समारोह समितिया सल्लाहकार समितिया कजि पुलांम्ह स्वास्थ्य राज्यमन्त्री नेवाः न्ह्यलुवाः तीर्थराम डंगोलया सभापतित्वय् च्वंगु सल्लाहकार मुँज्यां थुगु दँय् नं वंगु दँया हे नारा ‘नेपाःया म्हसीका, नेपाःया गौरव, राज्यं हे छ्यलेमाः नेपाल संवत्’ क्वःछ्यूगु दु ।समितिया सल्लाहकार कजि तीर्थराम डंगोलं दँय् दसं न्हून्हूगु नारा पितबिइगुसिबें पुलांगु हे पूमवंगु नारा पितबिइगु बांलाइगु खनेदूगुलिं वंगु दँय् पितहःगु नारायात हे थुगु दँय् नं निरन्तरता बिइगु खँया जानकारी बियादीगु दु।
लिसें वय्कलं न्हूदँया लसताय् जुइगु सकतां कथंया भिंतुना कालबिल, ¥याली जुलुसलिसें ब्वनापौ, भिंतुना पतिइ थुगु नारा छ्यलाबुला यायेत नं इनाप यानादीगु दु।थुगु दँय् न्हूदँ ने.सं. ११४३ कछलाथ्व पारु (कार्तिक ९ गतें बुधवाः खःसा उगु दिं समारोह समितिं येँया बसन्तपुरं तःजिक भिंतुना जुलुस व भिंतुना सभा ज्याझ्वःया ग्वसाः ग्वयातःगु दु ।
Categorized in राष्ट्रिय