येँ महानगरपालिकां शर्मिला ठकुरीया ठेलागाडा लाकाकाःगुलि धरान उपमहानगरपालिकाया मेयर हर्क साम्पाङं लच्छिया तलब बिइगु जुगु दु।

म्हिगः बिहीबाः थापाथलीया प्रसुति गृहया गेटय् पानीपुरी मियाच्वम्ह शर्मिला तामाङया ठेला येँ महानगरपालिकाया नगर प्रहरीं लाकाकाःगु खः। सामाजिक सञ्जालय् साम्पाङ ठेला बचे यायेत ग्वाहालि फ्वसां महानगर प्रहरीं बेवास्ता याःगु भिडियो भाइरल जूगु खः।

महानगरपालिकां लिपागु इलय् फुटपाथ व ठेला व्यापारपिन्त पसः तयेका मबियाच्वंगु खः। नगर प्रहरीं ठेला लाकाकायेगु झ्वलय् साम्पाङं ग्वाहालि बिइवं ठकुरीयात ग्वाहालि याइपि अप्पोया वःगु दु।

थ्व हे झ्वलय् धरानया मेयर हर्क साम्पाङं सामाजिक सञ्जाल फेसबुकपाखे थम्हेसिया लच्छिया तलब बिइगु घोषणा याःगु दु। वयकलं च्वयादीगु दु, ‘थुम्ह केँह सू खः? वयात जिगु लच्छिया तलब बिइगु घोषणा याये ! जय मनू।’

Categorized in राष्ट्रिय