शताब्दी पुरुष सत्यमोहन जोशीया स्वास्थ्य अवस्था गम्भीर जूयावंगु दु।

यलया इमाडोलय् किस्ट मेडिकल कलेज नाप शिक्षण अस्पतालय् उपचार याना वयाच्वम्ह जोशीया स्वास्थ्य अवस्था झन् कमजोर जूयावना च्वंगु दु धका अस्पताल स्रोतं जानकारी बिःगु दु।

जोशीया छातीइ निमोनिया संक्रमण खनेदुगु दु। उपचारय् संलग्न छम्ह चिकित्सकया कथं ‘ब्लड प्रेसर छक्वलं च्वय् क्वय् जूयाच्वंगु दु।

ब्लडप्रेसर घटे जूगु धइगु बालागु अवस्था मखु। वासलं बालाक्क ज्या यानाच्वंगु मदु’, उम्ह चिकित्सकया कथं, ‘स्वास्थ्यय् उल्लेखनीय सुधार मजुगुलि अवस्था चिन्ताजनक हे दु।’

Categorized in राष्ट्रिय