डेंगू संक्रमणं आःतक ४७ म्ह सी धुकुगु दु। इपिडिमियोलोजी नाप रोग नियन्त्रण महाशाखाया तथ्यांक कथं असोज २७ गते तक संक्रमित जूपिनिगु ल्याः ३८ हजार ९१८ व सीपि ४७ म्ह थ्यःगु दु।

आःतकया तथ्यांक कथं दकलय् अप्पो येँ १२ हजार १०२ म्हेसित संक्रमित जुइ धुकुगु पुष्टि जुगु दु। अथेहे यलय् ८ हजार ५५४ व ख्वपय् २ हजार ४७५ म्ह याना स्वनिगः दुने डेंगू संक्रमित जूपि २३ हजार १३१ म्ह थ्यने धुकुगु दु।

अथेहे, मकवानपुरय् ३ हजार ९३३, दाङय् २ हजार ५, चितवनय् १ हजार ३८९ व रुपन्देहीइ १ हजार १७५ म्हेसित संक्रमण जुइ धुकुगु दु 

Categorized in राष्ट्रिय