राससय् पत्रकारपिन्त हटे यायत्यःगु विरोधय् प्रद्धर्शन याइगु
लहनान्युज | कौलागा चौथी ११४२, असोज २७ बिहीवाः
राष्ट्रिय समाचार समिति (रासस) या २२ म्ह पत्रकारपिन्त हटे यायेगु धाःसे नेपाल पत्रकार महासंघ व पेशागत पत्रकार संगठनपिन्स विरोध याःगु दु।
ताः ईनिसे करारय् ज्या यानाच्वपि व ज्यालादारीइ कार्यरत पत्रकारपिन्त थ्व हे वइगु कात्तिक १ गतेनिसे हटे यायेत्यःगु धासे नेपाल पत्रकार महासंघया केन्द्रीय कार्यालयय् पत्रकारया नेतापि मंकाः कथं बैठक च्वंगु खः। बैठकं पत्रकारपिन्त हटे यायेत्यःगु विरोधय् असोज २८ गते १ बजे महासंघं रासस केन्द्रीय कार्यालयय् प्रदर्शन यायेगु निर्णय याःगु दु।
महासंघया केन्द्रीय सदस्य रामकृष्ण शर्मा न श्रमजिवी पत्रकारपिन्त हटे यायेत्यःगु विरोधय् चरणबद्ध आन्दोलन यायेगु धका धाःगु दु।
समाजवादी प्रेस संगठनया कार्यवाहक अध्यक्ष विश्वमणि सुवेदी, नेपाल प्रेस युनियनया उपाध्यक्ष जीवन भण्डारी, प्रेस चौतारी नेपालया महासचिव हिरामान लामा, प्रेस सेन्टरया महासचिव सन्तोष पौडेल, प्रेस चौतारीया प्रदेश प्रतिष्ठान इन्चार्ज मोहन बास्तोला लगायतपिन्स श्रमजीवी पत्रकारपिन्त गु न हालतय् लिकाये दइ मखु धका धाःगु दु।
