वइगु मंसिर ४ गते जुइगु प्रतिनिधिसभा व प्रदेशसभा निर्वाचनया लागि उम्मेदवारी दर्ता थौं जुइगु दु। निर्वाचन आयोगं थौं सुथय् १० बजेनिसे बहनि ५ बजे तक उम्मेदवारी दर्ता याये फइ धका धाःगु दु।

देयन्यक मुख्य निर्वाचन अधिकृतया कार्यालय व निर्वाचन अधिकृतया कार्यालयय् उम्मेदवारी दर्ता यायेगु व्यवस्था मिले याःगु दु।

अथेहे २४ असोजय् उम्मेदवारया विरोधय् उजुरी बिइ फइगु, २४ व २५ असोजय् उजुरीइ जाँचबुझ यायेगु निर्णय व २५ गते नामावली प्रकाशन याइगु जुगु दु। २६ असोजय् उम्मेदवारया नां लित कायेगु ई तयातःगु दु ।

अन्तिम नामावली न उगु हे दिं प्रकाशन याना चुनाव चिं न वितरण यायेगु आयोगया कार्यतालिकाय् उल्लेख दु।

Categorized in राष्ट्रिय