लोकंह्वाम्ह भारतीय कमेडियन राजु श्रीवास्ताव मन्त। ४२ दिं तक कोमाय् च्वना च्वम्ह श्रीवास्तव ५८ दँय् थौं बुधबाः सुथय् अखिल भारतीय आयुर्विज्ञान संस्थानय् मदुगु धका भारतीय सञ्चारमाध्यमं धाःगु दु।

हृदयघात जुया आईसीयूलय् तया उपचार याना वयाच्वंगु खः। श्रीवास्तव उत्तर प्रदेशया कानपुरय् सन् १९६३ डिसेम्बर २५ जन्मय् जूगु खः। श्रीवास्तव कमेडी शो द ग्रेट इन्डियन लाफ्टर च्यालेन्जपाखे लोकंह्वांगु खः।

मैने प्यार किया, बाजीगर, बम्बे टु गोवा (रिमेक), आम्दानी अठन्नी खर्चा रुपैया थे जाःगु संकिपाय् अभिनय याःगु खः।

Categorized in मनोरन्जन