टी–२० एसिया कप श्रीलंकां त्याकल
राम डंगोल | द्धितीया ११४२, भाद्र २७ सोमवाः
![](https://www.lahananews.com/sites/default/files/20-20-asia-cup-srilank.jpg)
टी–२० एसिया कप २०२२ या उपाधि श्रीलंकां त्याकूगु दु।
बलरपि चम्के जुइवं पाकिस्तानयात २३ रनं पराजित यासे श्रीलंकां उपाधि ल्हातय् लाकूगु खः। न्हापां ब्याटिङ यासे श्रीलंकां पाकिस्तानयात १७१ रनया लक्ष्य बिःगु खः। तर, पाकिस्तानं उगु लक्ष्य निर्धारित २० ओभरय् १४७ रनय् हे अलआउट जुगु खः।
पाकिस्तानया मोहम्मद रिजवानं ५५ रनय् व कप्तान बाबर आजम ५ रनय् इफित्खार अहमदं ३२ रन व हरिस रौफं १३ रन दयकूलि मेपिन्स बालाक्क ब्याटिगु याये मफुत। श्रीलंकां प्रमोद मदुशनं ४ ओभरय् ३४ रन बिया ४ विकेट, स्पिनर वानिन्दु हसरंगां ४ ओभरय् २७ रन बिया ३ विकेट काःगु खः।
अथेहे, चामिका करुणारच्ने निगु व महेथ थिक्सेनां छगू विकेट काःगु खः। दुबई इन्टरनेशल स्टेडियम जुगु कासाय् टस बूया न्हापां ब्याटिङ यासे श्रीलंकां निर्धारित २० ओभरय् ६ विकेट गुमेयाना १७० रन दयकूगु खः।
श्रीलंकाया भानुका राजपक्षे अविजित सर्वाधिक ७१ रन, वानिन्दु हसरंगा ३६, धनन्जय डे सिल्भां २८ व चमिकां १४ रन दयकूगु खः । श्रीलंकां थ्व नाप आःतक खुक्वःगु एसिया कप उपाधि याकूगु खः। श्रीलंकां सन् २०१४ लिपा त्याकूगु मदुनि ।
Categorized in कासा