येँ महानगरपालिकाया उपमेयर सुनिता डंगोलं पदभार ग्रहण याःगु सच्छि न्हू दुने यानाःगु ज्या व योजनायात कयाः श्वेतपत्र सार्वजनिक याःगु दु ।

उपमेयर डंगोलं सार्वजनिक याःगु श्वेतपत्रय् थःपिन्सं सच्छि न्हू दुने १५ गू ज्या व न्ह्याकाःगु १० गू योजनात न्ह्यथंना तःगु दु।

पुलांगु २,४४ गू विवादित न्यायिक सुनुवाई जुगु व ५१ गू विवादया किनारा जुगु सार्वजनिकयाःगु श्वेतपत्रय् न्ह्यथंनातःगु दु। वडास्तरीय महिला सेल गठन, आर्थिक दँ ०७९–८० या नितिं नीति व कार्यक्रमया प्रस्ताव तयार यानाःगु खँ नं न्ह्यथंनातःगु दु।

अथे हे फोहोर व्यवस्थापनया नितिं सकारात्मक कुतः न्ह्याकाःगु, श्वेतपत्रय् न्ह्यथंनातःगु दु ।

Categorized in राष्ट्रिय