अपूर्व क्षितिज सिंहविरूद्ध उजूरी
लहनान्युज | गुंलागा आमै ११४२, भाद्र ११ शनिवाः
![](https://www.lahananews.com/sites/default/files/cama.jpg)
नेवाः समुदायपिनिगु आस्थाय् घाः लाका व्यंग्य याःगु धाःसे कमेडियन अपूर्व क्षितिज सिंहविरूद्ध जिल्ला प्रहरी परिसर येँ जाहेरी बिःगु दु।
थौं शनिबाः नेवाः समुदायया अभियन्तापिन्स टेकुइ वना सिंहविरूद्ध जाहेरी बिःगु खः। सिंह न स्ट्यान्डअप भिडिओ कमेडी क्याफेया युट्युब च्यानलपाखे ‘नेवाः परम्परा’ शीर्षकय् तःगु खः।
नेवा समुदायया भाषा, संस्कृति नाप सभ्यताय् लक्षित यासे अपमानजनक व्यंग्य याःगु धासे जाहेरी बिःगु खः। जाहेरीइ मतियार जूपिन्त तक कारबाहीया माग याःगु दु।
सिंहं हाँस्यव्यंग्य यायेगु झ्वलय् नेपाल भाषा, नयेगु व मिसापिन्त व्यंग्य याःगु द्धपः बिःगु खः। सिंहविरूद्ध ८५ म्हेसित जाहेरी बिःगु खः।
Categorized in राष्ट्रिय