देयन्यक ४४४म्ह कोरोना संक्रमित, स्वम्ह सीत
रसिया श्रेष्ठ | गुंलागा त्रयोदशी ११४२, भाद्र ९ बिहीवाः
वंगु २४ घण्टाया दुने देयन्यक ४४४म्ह कोरोना संक्रमण जूगु दु।
अथेहे कोरोना सक्रमणं स्वम्ह सीगु दु। स्वास्थ्य तथा जनसंख्या मन्त्रालयया कथं ४ हजार ९५४ म्हेसिगु परीक्षण याःगुलि ४४४ म्हेसित कोरोना संक्रमण पुष्टि जूगु खः।
स्वास्थ्य मन्त्रालयया कथं १ हजार ९९६ म्हेसित पीसीआर परीक्षण याःगुलि २११ म्ह व २ हजार ९५८ म्हेसिगु एन्टिजेन परीक्षण याःगुलि २३३ म्हेसित संक्रमण जूगु खः।
अथेहे बिहीबाः कोरोना संक्रिय संक्रमितपि ४ हजार १९९ म्ह थ्यःगु दु। २४ घण्टाय् ३०७ म्ह संक्रमणमुक्त जूगु दु।
Categorized in राष्ट्रिय