‘धलिमय् पानातःगु आकाश’ विमोचन
लहनान्युज | गुंलागा अष्टमी ११४२, भाद्र ३ शुक्रवाः
आधुनिक कवि पूर्ण वैद्य मदुगु दकिलाया पूण्य तिथि लाकाः वय्कःया कविता सफू ‘धलिमय् पानातःगु आकाश’ विमोचन जुगु दु।
मदुम्ह वैद्यया प्रतिसरा साय्मि सहितया न्याम्ह शिष्यपिस छगू ज्याझ्वःयासे कुतः पिकाकपाखें पिहां वःगु उगु सफू विमोचन जूगु खः ।
विराट नेभा साहित्य सम्मेलनया अध्यक्ष महेन्द्रगोपाल कर्माचार्यया सभाध्यक्षताय् जूगु उगु ज्याझ्वलय् डा. योगेन्द्रमान प्रधान, हितकरवीर सिं कंसकार, तिलकप्रकाश कायस्थ, डा. दिनेश भुजू, पूर्ण ताम्राकारपिंसं कवि वैद्यया बारे न्ववानादीगु खः ।
ज्याझ्वलय् पूर्ण वैद्यं च्वयादीगु कवितात खस नेपाली, अंग्रेजी, तामाङ, मगर व गुरुङ भाषां अनुवाद यानाः पाठ यायेगु ज्या जूगु खःसा म्येचाः ‘जि बाः वइगु खुसि खः’ नं पिदंगु खः ।
Categorized in राष्ट्रिय